Fir cawp i khawpi dinh ro tu le a
dang fir chap timh i izuam lengmang tu
Hakha pawl hi anmah zong an ning a zak hnga lo maw. Pathian zong nih a duh ka
zum lo. Kan FHP hruaitu pawl tan la chinchin
uh. A dik ning tein, Pathian zong nih a kan tanpi leng mang ko lai. Nan hnu lei
in kan in dir pi leng mang ko aw.
Global Chin News Chungi atial mi .....
Pu No Than Kap nih Chin mizapi duhnak le ruahnak la hmasa loin amah nawl
in Chin (Lai) Tlangholh (Common Language) ah Falam Laizo caholh siseh
tiah September 7 ni Ram Hun Thein Sein sinah ca (report) a kuatmi cu a
pahnihnak ramhum Dr. Sai Mauh Kham nih mizapi duhnak hal hmasa lo mizapi
aw-aan aa tel lo caah a si thiam lonak kong September 13 ah ca a lehnak
cu Chin ramkulh acozah zung in Chin ramkulh myone auhchohzi zung kip ah
kuat a si.
October 8 CACC zung ah Hakha Zatlang Nunphung Bu Chiarman Pu Siang Mang
le CACC riantuan hruaitu minung 15 hna cu chun sml. 1-4 tiang Pu No Than
Kap catialmi kong ah zei bantuk in dah khua kan khaan in kan cawlcangh
ning a si lai timi kong meeting an tuah i zatlang mizapi duhnak kan hal
hna lai. Cun mizapi duhnak le ruahnak halmi report
tialtu committee zong minung 5 in an ser. October thla chungah Hakha
myone khuate vialte ah kal in an ruahnak an duhnak Pastor le Khuabawi i
bawm in kan hal hna lai i Hakha Myo chung
tu cu November 10 Carson Hall ah mizapi tonnak le ruahnak laknak kan
tuah lai tiah CACC G.S Dr. Lal Uk nih HYO Authawng ah a chim.
