2012, September 25 ah Chinram,
Tedim nih an phuan dingmi Chin National Front (CNF) nih pehtleihnak zung onnak
ding cu Tedim Youth Fellowship (YTF) i hruainak he Tedim Mino Pawlnih lamzawh
duhlonak pholang nei ding a si tiin Chin World Media in Thawng kan theih.
CNF nih Dedim khua pehtlaihnak zung
on ding kong he pehtlai in Tedim Youth Fellowship (TYF) nih September 19 ah
Myone palik zungah lamzawh in duhlonak pholang dingin siannak an rak nawl hna
nan, mipum an tamtuk caah, lampi a lawng mi Hau Kam lam hman an siang lo caah
le duhlonak pholang nak can nazi (5) an hal mi hi can saupi a si i khua chung
mi veivak riantuan pawl hna a hnawh khawh caah siannak a rak pe lo ti a si.
Cuhnuah TYF nih lamzawhtu ding pipum cu 200 tiang thum nolh in, lampi a ummi
Hau Kam lam zawh loin ka dang khua chung i lam ah zawh dingin le a can zong
nizi 3 chung lawng si dingin TYF hruaitu Nung Sian Thang le Hruai-tu i sign
thutnak he nawlnak an nei than i September 23 ah siannak kan ngahthan cang tiin
Nung Sian Tuang nih a chim.
CNF le Pu Thein Sein cozah nih cun
January 6 ah remdaihnak kongah biaceihnak an rak nei cang i, Konglam 15 ah
lungtlinnak an rak nei cang. Mahcu kong 15 chung ah Thlantlang, Matupi le Tedim
ah CNF pehtlaihnak zung on ding timi zong a tel.
Mah cu lungtlinnak bangin June 23
ah Matupi le June 29 ah Thlantlang ah pehtlaihnak zung onnak an rak tuahdih
cang ti a si. Tedim mipi pawl nih cun Tedim i CNF pehtlaihnak zung on ding an
lungtlin lo caah mipum 70,000 hna i Sign thutnak he President Pu Thein Sein
sinah February 21 ah dokalhnak ca an rak kuat. Zonmi Congress for Democracy
(ZCD) zongnih President he August 4 i an i tonnak ah CNF zung ong lo dingin a
rak nawl ve hna.
Zung onnak ding i chungtuan bawmtu
3 Pu Khua Uk Lian thithruai ding a si i, CNF in Col.Solomon, Pu Zam Suan Dal,
Pu Bawi Sum, Pu Kung Ling, Pu HauKang (Office Director, Tedim pehtlaihnak
zung), Pu Go Khen Nang, Pu GS Mang, Pu Thang Khen Kap, Pu Mang Suan Tuang le Pi
Cing Khan Dim hna tel in cozah thenkhat he onnak tuah ding kong hi Biathli
Authawng nih Oct 11 ah a rak tar.